प्राधिकरणले आज बिहान ९ बजे सम्मको विवरण सार्वजनिक गर्दै हालसम्म रसुवा बाढीमा परी ज्यान गुमाउनेको सङ्ख्या ७३४ जनाएको छ।
विभिन्न जिल्लाबाट ७३४ जनाको शव फेला परेको छ। रसुवामा १३, धादिङमा ५०, तनहुँमा ३६, नुवाकोटमा ५२, गोरखामा ५८, चितवनमा २५९, नवलपरासी पूर्वमा १८४ र नवलपरासी पश्चिममा ८२ जनाको शव फेला परेको छ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणले आज बिहान ९ बजे सार्वजनिक गरेको बुलेटिन अनुसार हालसम्म ८ हाजर १८६ उद्धार गरिएको छ। काठमाडौंका विभिन्न अस्पतालमा उपचार गराएर १६० जना डिस्चार्ज भएका छन्।
बाढीपछि नेपाली सेना, नेपाल प्रहरी र सशस्त्र प्रहरी बलका गरी ८४ जना कर्मचारी अझै सम्पर्कविहिन रहेको प्रहरीले जनाएको छ।
नेपाली सेनाका ४४, नेपाल प्रहरीका २७ र सशस्त्र प्रहरी बलका १३ जना सम्पर्क विहिन रहेका छन्।
चीनतर्फ १०४ जना नेपाली बेपत्ता
त्यस्तै चीनको तिब्बत स्वायत्त क्षेत्रस्थित केरुङ सीमा नाकामा १०४ जना नेपाली नागरिक बेपत्ता छन्। यस विपद्मा परी कुल २६१ जना विदेशी नागरिक सम्पर्कविहिन भएका छन्। जसमा सबैभन्दा धेरै नेपाली रहेका छन्।
चिनियाँ सरकारी सञ्चारमाध्य सीजीटीएनले आइतबार बिहान आयोजित पत्रकार सम्मेलनमा यो तथ्यांक सार्वजनिक गरेको हो।
सार्वजनिक गरिएको विरण अनुसार बेपत्ता विदेशी नागरिकहरुमा १०४ नेपाली, ४९ जना भारत, ३३ जना लाटभिया, १८ जना अमेरिकी, १५ जना बेलायती, ६/६ जना अस्ट्रेलिया र क्यान्डा, ४ जना दक्षिण अफ्रिकी, ३/३ जना जर्मनी, मलेसिया र रुसका रहेका छन्।
इस्टोनिया, फ्रान्स, आयरल्यान्ड, नेदरल्यान्ड्स र न्युजिल्यन्डका २/२ जना र फिनल्यान्ड, हङ्गेरी, काजाकिस्तान, लियुआनिया, पोर्चुगल, स्पेन र युक्रेनका १/१ जना रहेका सीजीटीएनले जनाएको छ।
आइतबार बिहानको पत्रकार सम्मेलनमा दिइएको जानकारी अनुसार, हाल केरुङ काउन्टीमा कुनै पनि विदेशी पर्यटक अलपत्र अवस्थामा छैन्।
चिनियाँ अधिकारीहरुले बेपत्ता भएका विदेशी नागरिकहरुबारे चीनमा रहेका सम्बन्धित देशमा दूतावास तथा वाणिज्य दूतावासहरुलाई जानकारी गराइसकेका छन्।
थप सामाग्री पढ्नुहोस
भोटेकोशी बाढी : हालसम्म १७७ जनाको शव फेला
रसुवाको भोटेकोशी नदीमा आएको बाढीका कारण हालसम्म १७७ जनाको मृत्यु भएको छ। नेपाल...
बाढीको जोखिमपछि तीन प्रमुख सडकखण्डमा यात्रा नगर्न आग्रह
भोटेकोशी नदीमा तिब्बततर्फबाट ठूलो बाढी प्रवेश गरेपछि सम्भावित जोखिमलाई मध्यनजर गर्दै राष्ट्रिय विपद्...
कुनै समय भोजपुरका गाउँघरमा कोदोको ढिँडो, रोटी, सातु र लिटो दैनिक खानाको हिस्सा...
