काठमाडौं। खाद्य प्रविधि तथा गुण नियन्त्रण विभागले गुणस्तर मापदण्ड अनुरूप नपाइएको भन्दै विभिन्न खाद्य पदार्थलाई बजारबाट फिर्ता गर्न आदेश दिएको छ।
विभागले बिहीबार एसियन बिस्कुट एण्ड कन्फेक्सनरी प्रालिले उत्पादन गर्ने ६ ब्याचको ‘ज्याक न्याक क्र्याकर्स’ बिस्कुट, यशोधा फुड्स प्रालिले उत्पादन गर्ने ‘०४ए’ ब्याचको करेन्ट चाउचाउ र फिसटेल डेरीले उत्पादन गरेको नोभा आइक्रिम बजारबाट फिर्ता ल्याउन आदेश दिएको हो ।
विभागका अनुसार ‘ज्याक न्याक क्र्याकर्स’ बिस्कुट र करेन्ट चाउचाउको नमुना परीक्षण गर्दा ‘एक्सट्राक्टेड फ्याट’को एसिड भ्यालु सरकारले तोकेको अनिवार्य गुणस्तर मापदण्ड अनुरूप नरहेको पाइएको छ। विभागले यी दुवै उत्पादनहरूका खान अयोग्य पाइएका ब्याचहरूलाई खाद्य स्वच्छता तथा गुणस्तर ऐन २०८१ को दफा ३८ (२) को प्रावधान बमोजिम बजारबाट तत्काल फिर्ता गर्नका साथै बिक्री वितरण नगर्न पनि आदेश दिएको छ।
त्यस्तै, नोभा आइसक्रिमको नमुना संकलन गरी प्रयोगशालामा परीक्षण गर्दा उक्त आइसक्रिममा ब्याक्टेरिया रहेको पाइएको विभागले जनाएको छ। उक्त ब्याक्टेरिया मानव उपभोगका लागि उपयुक्त नभएको भन्दै विभागले उक्त ब्याचका सबै आइसक्रिम उत्पादनहरू बजारबाट तत्काल फिर्ता गर्न तथा बिक्री वितरण नगर्न पनि आदेश दिएको छ।
थप सामाग्री पढ्नुहोस
रहेनन् विवेक मण्डल, मृत्यु हुनेको संख्या तीन, रौतहटमा अर्को आत्मदाहको प्रयास
शुक्रबार दिउँसोको समयमा सर्लाही गोडैता १० सिसौटियाका ३५ वर्षीय विवेक मण्डलको उपचारको क्रममा...
अलैँचीले फेरिँदै लमजुङका किसानको दैनिकी
'कालो सुनका रूपमा परिचित अलैँचीले लमजुङका किसानको जीवनस्तर सुधारमा महत्वपूर्ण योगदान पुर्याउँदै आएको...
सिँचाइ सुविधा पुगेपछि आकासे पानीको भर पर्नुपर्ने समस्या अन्त्य
म्याग्दीको मालिका गाउँपालिका७ बिमका तुलप्रसाद जुग्जालीले लुरवाङस्थित खेतमा यसपालि असार दोस्रो सातामै रोपाइँ...
