पुँजी बजारका प्रणालीहरूको पुनर्संरचना गर्ने सरकारको घोषणा

सरकारले नीति तथा कार्यक्रममार्फत पुँजी बजारका प्रणालीहरूमा पुनर्संरचनाको घोषणा गरेको हो।

By अर्थहरु | May 11, 2026, 6:20 p.m.

काठमाडौं । सरकारले पुँजी बजारका धितोपत्र निकाय, नेप्से तथा सीडिएससी प्रणालीको पुनर्संरचना गर्ने घोषणा गरेको छ।

आगामी आर्थिक वर्ष २०८३/०८४ को नीति तथा कार्यक्रममार्फत सरकारले यस्तो घोषणा गरेको हो। सोमबारको संघीय सदनको बैठकमा राष्ट्रपति रामचन्द्र पौडेलले नीति तथा कार्यक्रम प्रस्तुत गरिरहेका छन्।

सरकारले नीति तथा कार्यक्रममार्फत पुँजी बजारका प्रणालीहरूमा पुनर्संरचनाको घोषणा गरेको हो।

यसका साथै पुँजी बजारमा सरकारले संस्थागत लगानीकर्ता, पेन्सन कोष, बिमा, म्युचअल फन्ड र गैर आवासीय नेपालीहरूको सहभागी विस्तार गरिनेसमेत सरकारले घोषणा गरेको छ।

सरकारले पुँजी बजारको विस्तारका लागि ऋणपत्र बजार र बन्ड मार्केटलाई पनि प्रभावकारी बनाउने घोषणा नीति तथा कार्यक्रममा उल्लेख गरिएको छ।