कर संरचनाको पुनरावलोकन गर्ने सरकारको घोषणा, उद्यमी तथा मध्यम वर्गीय परिवारमाथिको बोझ घटाइने

सरकारले सुशासनलाई समृद्ध नेपालको आधारशीलाको रूपमा ग्रहण गर्दै आर्थिक पुनरुत्थानलगायतलाई अभियानका रूपमा अघि बढाउने पनि नीति तथा कार्यक्रममा उल्लेख गरिएको छ।

By अर्थहरु | May 11, 2026, 5:07 p.m.

काठमाडौं । सरकारले कर संरचनाको पुनरावलोकन गर्ने घोषणा गरेको छ।

आगामी आर्थिक वर्ष २०८३/०८४ को नीति तथा कार्यक्रम सार्वजनिक गर्दै सरकारले कर संरचनाको पुनरावलोकन गर्ने घोषणा गरेको हो।

सोमबार संघीय सदनमा राष्ट्रपति रामचन्द्र पौडेलले आगामी आर्थिक वर्षको नीति तथा कार्यक्रम प्रस्तुत गरिरहेका छन्।

‘करका संरचनाको पुनरावलोकन गर्दै उद्यमी तथा मध्यम वर्गीय परिवारमाथिको बोझ घटाइनेछ’,नीति तथा कार्यक्रममा उल्लेख गरिएको छ।

सरकारले सुशासनलाई समृद्ध नेपालको आधारशीलाको रूपमा ग्रहण गर्दै आर्थिक पुनरुत्थानलगायतलाई अभियानका रूपमा अघि बढाउने पनि नीति तथा कार्यक्रममा उल्लेख गरिएको छ। साथै भन्सार प्रणालीमा न्यून बिजकीकरण प्रथाको अन्त्य गर्ने समेत घोषणा गरिएको छ।