प्रतिनिधिसभामा आज पनि प्रतिपक्षको विरोध, बैठक स्थगित

सोमबार बसेको प्रतिनिधिसभाको बैठक प्रतिपक्ष दलको विरोधका कारण स्थगित भएको छ। 

बैठक सुरूभएसँगै सभामुख डीपी अर्यालले बैठकको कार्यसूची पेस गर्ने क्रममा विपक्षी दलका सांसदहरूले विरोध जनाएका थिए।

उनीहरूले प्रधानमन्त्री बालेन्द्र शाहले गत साता प्रतिनिधिसभामा प्रश्नोत्तरका क्रममा नेपाल र भारत सीमा विवादबारे दिएको अभिव्यक्तिप्रति आपत्ति जनाउँदै विरोध जनाएका थिए। प्रश्नोत्तरका क्रममा प्रधानमन्त्री बालेनले ‘नेपालले भारतको भूमि मिचेको’ अभिव्यक्ति दिएसँगै लगातार प्रतिनिधिसभाको बैठकमा विपक्षी दलका सांसदहरूले विरोध जनाइरहेका छन्। 

सोमबारको बैठकमा पनि प्रतिपक्षी दलका सांसदहरूले प्रधानमन्त्रीले दिएको अभिव्यक्तिबारे आपत्ति जनाएर बैठकमा विरोध गरेसँगै सभामुखले बैठक स्थगित गरेका छन्। 

प्रतिपक्षी दलका सांसदहरूले प्रधानमन्त्रीले ‘प्रमाण पेस गर्नुपर्ने’ वा ‘संसदमै आएर माफी माग्नुपर्ने’ अभिव्यक्ति दिइरहेका छन्।

यसका बाबजुद सभामुख अर्यालले भने प्रतिनिधिसभाको बैठक अगाडि बढाउन खोजिरहेका छन्। यद्यपि निरन्तरको विरोधका कारण प्रतिनिधिसभा सांसद निरन्तर स्थगित हुने क्रम सिर्जना भएको छ।